Дудуткі вёска-музей
Дудуткі - старажытная рамесная вёска-музей, дзе можна акунуцца ў гістарычны побыт людзей беларускай глыбінкі.
Дудуткі - своеасаблівае і цікавае месца. Упершыню Дудуткі ўзгадваюцца яшчэ ў XI стагоддзі -
тады тут пралягаў шлях на Полацк. Музей размешчаны прыблізна за 40-45 км ад Мінска
(прыблізна паўгадзіны ад кальцавой дарогі) у прыгожым месцы на рацэ Пціч. Гэта месца
добра ведаюць не толькі жыхары Беларусі, але і замежныя турысты, якія, наведаўшы Дудуткі
аднойчы, вяртаюцца, каб наведаць музей зноў. Гэта асаблівае месца - апынуўшыся тут,
наведвальнікі быццам вандруюць у часе, акунаючыся ў гісторыю народнага побыту Беларусі.
Тут можна ўбачыць разнастайныя майстэрні - кузню, ганчарную майстэрню, пякарню, сыраварню.
У Дудутках знаходзіцца стары ветраны млын - адзіны на дадзены момант млын у працоўным стане
на тэрыторыі Беларусі. Гэта адметная рыса музея, дзякуючы якой Дудуткі выбіваюцца з шэрагу падобных месцаў.
Наведвальнікам абавязкова трэба зайсці ў традыцыйную хлебапекарню і пачаставацца смачнымі
вырабамі тутэйшага пекара. Калі Вам хочацца паспрабаваць сябе ў якасці каваля ці ганчара -
няма праблем! У Дудутках у Вас ёсць такая магчымасць!
Яшчэ ў музеі «Дудуткі» можна паглядзець на рэтра-машыны і пакаштаваць тутэшай самагонкі,
замовіць эксурсію на конях па ўсёй тэрыторыі, наведаць заасад і палюбавацца на розных жывёл -
амерыканскіх аленяў, страусаў, дзікоў, гусей. У Дудутках знойдуцца цікавыя заняткі на ўвесь
дзень - сюды можна прыязджаць з сябрамі і з дзецьмі. А калі Вы стоміцеся і атрымаеце досыць
прыемных уражанняў - Вас запрашае адпачыць і падсілкавацца стравамі беларускай нацыянальнай кухні кафэ.
Самы зручны спосаб дабрацца да Дудутак - гэта замовіць трансфер у нас. Вам проста патрэбна
патэлефанаваць нам альбо запоўніць зручную форму на нашым сайце, каб атрымаць разлік кошту
і часу паездкі.
Прыемнага адпачынку!
- Музей «Дудуткі» працуе Аўторак - серада: 10:00-17:00
- Чацвер-нядзеля: 10:00-18:00
- Выхадны: панядзелак
- Уваходны білет: для дарослых - 10 беларускіх рублёў, для дзяцей - 6 беларускіх рублёў.
